ஆப்பிரிக்காவில் புதிய பெருங்கடல் ஒன்று உருவாகிறது

ஆப்பிரிக்கக் கண்டத்தில் புதிய பெருங்கடல் ஒன்று உருவாகிவருவதைக் காணக்கூடியதாக இருக்கிறது என ரோயல் அவையின் அறிவியலாளர்கள் அறிவித்துள்ளனர்.

எத்தியோப்பியாவில் அஃபார் பிரதேசம்

அஃபார் பள்ளமும் அதன் தாக்கங்களும்

இந்தப் பெருங்கடல் காலப்போக்கில் ஆப்பிரிக்கக் கண்டத்தை இரு கூறுகளாகப் பிரிக்கும் என எத்தியோப்பியாவின் அஃபார் பகுதியில் பணியாற்றும் நிலவியலாளர்கள் தெரிவித்துள்ளனர். எனினும் இது இடம்பெற இன்னும் குறைந்தது 10 மில்லியன் ஆண்டுகள் எடுக்கும் என அவர்கள் கூறுகின்றனர்.

ரோயல் அவையின் கோடை கண்காட்சிக் கருத்தரங்கில் ஆய்வாளர் டிம் ரைட் என்பவர் இந்த ஆய்வறிக்கையைச் சமர்ப்பித்திருந்தார். அஃபார் பகுதியில் கட்ந்த 5 ஆண்டுகளில் வியக்கத்தக்க மாற்றங்கள் நிகழ்ந்து வருவதை இவரது ஆய்வுக்குழு கண்டறிந்துள்ளது.

2005 ஆம் ஆண்டில் 8 மீட்டர் அகல வெடிப்பு ஒன்று 60 கிமீ நீளத்தில் பத்து நாள் கால இடைவெளியில் தோன்றியது. மிகவும் சூடான உருகிய பாறைகள் பூமியின் அடியில் இருந்து மேலே கிளம்பி இந்த வெடிப்பை உண்டாக்குகின்றன.

தற்போதும் இடம்பெற்று வரும் உள்வெடிப்பு இறுதியில் ஆப்பிரிக்காவில் புதிய சமுத்திரத்தைத் தோற்றுவிக்கும்.

"அஃபார் பிரதேசத்தின் சில பகுதிகள் கடல் மட்டத்துக்குக் கீழே உள்ளன. அத்துடன் பெருங்கடல் எரித்திரியாவின் 20 மீட்டர் நிலப்பகுதி ஒன்றின் மூலமே பிரிக்கப்பட்டுள்ளது" என பிறிஸ்டல் பல்கலைக்கழகப் பேராசிரியர் ஜேம்ஸ் ஹமண்ட் தெரிவித்தார். "இது படிப்படியாக விலகிச் செல்லும்" என அவர் பிபிசி செய்தியாளருக்குத் தெரிவித்தார். "கடல் நீர் உள்ளே புக ஆரம்பித்தவுடல் பெருங்கடலைத் தோன்றும்."

"தெற்கு எத்தியோப்பியா, சோமாலியா என்பன பிரிக்கப்பட்டு புதிய தீவை உருவாக்கும், இப்பிரிவு ஆப்பிரிக்காவை சிறியதாக்கும். மிகப் பெரும் தீவு ஒன்று இந்தியப் பெருங்கடலில் மிதக்கும்."

இப்பகுதியில் மேலும் பரிசோதனைகள் மேற்கொள்ளப்படவிருக்கின்றன. இதன் மூலம் பூமியின் மேற்பரப்பு வடிவமைக்கப்பட்டமைக்கான காரணங்களை அறியக்கூடியதாக இருக்கும்.

இந்தியர்கள் இரண்டு பழமையான மரபணுக் குழுக்களைக் கொண்டுள்ளதாக ஆய்வுகள் தெரிவிப்பு

மாந்தர்களின் இடப்பெயர்வு, எண்கள் ஆண்டுகளின் ஆயிரங்களில் தரப்பட்டுள்ளது. நிலப்பகுதிகளின் இணைப்ப்புகளைத் தெளிவாகக் காட்டுமுகமாக உலகப்படம் காட்டப்பட்டுள்ளது. மேற்புறம் இருப்பது ஆப்பிரிக்கா, வலப்புறம் இருப்பது தென்னமெரிக்கா. இடப்புறம் நடுவே இருப்பது இந்தியா

இந்தியாவில் பரவலாகத் திரட்டி நடத்தப்பட்ட ஒரு மரபணு ஆய்வில், இந்தியர்கள் அனைவரும் இரண்டு பழமையான மரபணுக் குழுக்களையே பெரும்பாலும் தங்களின் பூர்வீகமாகக் கொண்டுள்ளனர் என்று தெரியவந்துள்ளது. இவ்வாய்வில் தமிழ்நாட்டில் இருந்து மரபணுக்கள் திரட்டிய செய்திகள் இல்லை, ஆனால் தென்னாட்டில் இருந்தும் உள்ளது. மரபணு நோக்கில் தென்னிந்தியர்களுக்கும் வட இந்தியர்களுக்கும் இடையில் வேறுபாடு இருப்பதாகவும் இந்த ஆய்வு கூறுகிறது.

இந்திய மூதாதையர்கள் குறித்த ஆய்வு ஒன்றை ஐதராபாத்தில் உள்ள மூ்லக்கூறு மற்றும் மூலக்கூறு உயிரியல் ஆய்வு மையமும், அமெரிக்காவின் ஆர்வர்டு மருத்துவப் பள்ளி, ஆர்வர்டு பொது தூய்நல (சுகாதார)க் கல்லூரி, ஆர்வர்டு பிராட் கழகம், மாசசூசட்ஃசு தொழில்நுட்பக் கழகம் (எம்.ஐ.டி) ஆகியவை இணைந்து நடத்தி வருகின்றன.

இந்திய மக்களுக்குக்கு மரபணு வழியாக வரும் பாரம்பரிய நோய்கள் அதிகம் வருகின்ற ஆபத்து உள்ளது என்றும் இந்த ஆய்வை நடத்தியவர்கள் எச்சரித்துள்ளனர்.

இது குறித்து ஐதராபாத் மையத்தின் மூத்த அறிவியலாளரான குமாரசாமி தங்கராசன் பிபிசிக்கு கூறுகையில், 13 மாநிலங்களைச் சேர்ந்த 25 வித்தியாசமான இனக் குழுக்களைச் சேர்ந்த 132 பேரின் மரபணுத்தொகுமத்திலிருந்து (ஜீனோம்களிலிருந்து) 5 இலட்சம் மரபணுக் குறியீடுகளை ஆய்வு செய்தோம். ஆய்வுக்குப் பொறுக்கப்பட்ட பெரும்பாலோர் இந்தியாவின் முதன்மையான ஆறு மொழிகளைப் பேசும் இனக்குழுக்களைச் சேர்ந்தவர்கள் ஆவர்.

பழங்குடியினர், மற்றும் அனைத்துப் பிரிவினரையும் உள்ளடக்கிய வகையில் இந்த ஆய்வு மேற்கொள்ளப்பட்டது. இந்த ஆய்வுகளின்படி, இந்தியாவில், மிகவும் தொன்மையான 2 பிரிவினர் இருந்திருக்கக் கூடும் என்று கருதப்படுகிறது.

இந்த தொன்மையான பிரிவினரை, தொன்மையான வட இந்திய மூதாதையர் (ANI) என்றும் தொன்மையான தென்இந்திய மூதாதையர் (ASI) என்றும் பெயரிட்ட்டு அழைக்கிறார்கள். தற்போது இந்தியாவில் உள்ள 4,635 மக்கள் இனங்கள் அனைத்தும் இந்த 2 தொன்மையான மூதாதையர்களிடம் இருந்து தனித்தனியாகவோ அல்லது இரண்டும் கலப்புற்றோ தோன்றி இருக்கலாம், என்று கருத்து தெரிவிக்கின்றது இவ்வாய்வு.

இந்த இரு தொன்மையான இந்தியர்களில், தொன்மையான வட இந்தியர்கள் தற்போதைய மேற்கு ஆசிய மற்றும் ஐரோப்பிய மக்கள் இனத்தை மரபியல் நோக்கில் 39 முதல் 80 விழுக்காடு வரை ஒத்து இருக்கிறார்கள்.

ஆனால் தொன்மையான தென் இந்தியர்கள் உலகில் எந்த இன மக்களோடும் மரபியல் நோக்கில் தொடர்பு அற்றவர்களாக இருக்கிறார்கள்.

அதேபோல, அந்தமானில் வசிக்கும் மிகப் பழங்குடியினரான ஓன்கே என்று அழைக்கப்படும் பிரிவினர் தொன்மையான வட இந்தியர்கள் மற்றும் தென் இந்தியர்களிடம் இருந்து தனித்து வேறாகக் காணப்பட்டாலும், தொன்மையான தென் இந்தியர்களோடு சிறிதளவு இணக்கமாக உள்ளனர் என்பது இவர்களுடைய ஆய்வின் முடிவு ஆகும்.

இதன் மூலம், தொன்மையான தென் இந்தியர்களும், அந்தமான் பழங்குடியின மக்களும் ஒரே குழுவைச் சேர்ந்த மூதாதையரிடம் இருந்து தொன்முது காலத்தில், பல ஆயிரம் ஆண்டுகளுக்கு முன்பு பிரிந்து இருக்கக் கூடும் என்பதும் இந்த ஆராய்ச்சியாளர்களின் கருத்து.

அந்தமான் பழங்குடியினர்தான் முதன் முதலில் முதல்மனிதன் தோன்றிய இடமான ஆப்பிரிக்க கண்டத்தில் இருந்து தெற்கு கடற்கரை வழியாக சுமார் 65 ஆயிரம் ஆண்டுகளுக்கு முன் வெளியேறிவர்கள். அதே காலகட்டத்தில்தான் தொன்மையான தென்னிந்தியர்களும் உருவாகியுள்ளனர்.

1875 ஆம் ஆண்டில் இரண்டு அந்தமான் தீவு ஆண்கள்

அதேபோல 40 ஆயிரம் ஆண்டுகளுக்கு முன்புதான் வட இந்தியர்கள் உருவெடுக்கத் தொடங்கியுள்ளனர்.

பழங்காலத்தில் இருந்தே இந்தியாவில் ஒவ்வொரு மனித இனப்பிரிவினரும் அவரவர் இனத்துக்குள்ளேயே திருமணம் செய்து கொள்வதாலும் (அகமணம் புரிவதால்), தமக்கே உரிய பண்பாட்டுக் கூறுகள், பழக்க வழங்கங்களை ஏற்படுத்திக் கொண்டதாலும், ஒவ்வொரு பிரிவினரும் மரபியல் மற்றும் பண்பாட்டு நோக்கில் தனித்தன்மை கொண்டு உள்ளனர்.

இதன் மூலம், பழங்காலத்தில் இருந்தே இந்திய மக்கள் இனம் தனித்தனி குழுக்களாக பிரிந்து கலப்பின்றி தனித்தன்மையுடன் வாழ்ந்து இருக்கிறார்கள் என்பது தெரிய வந்து உள்ளது. இந்த பிரிவினைதான் பண்பாட்டுக் கூறுகளாக, வெளிப்பாடுகளாக தற்காலத்தில் சாதி பாகுபாடாக உருவெடுத்துள்ளது.

பழங்காலத்தில் இருந்தே ஒவ்வொரு இனத்தினரும் தங்களுக்குள்ளேயே திருமணம் செய்து கொள்வதால் (அகமணம் செய்துகொள்வதால்) ஒவ்வொரு இனத்தவருக்கும் ஏற்படும் வெவ்வேறு மரபியல் மாற்றங்கள் அவரவர் சந்ததிகளின் வழியாக அந்தந்த இனத்தினரிடையே நிலைபெற்று, அதன் விளைவாக மரபியல் கோணத்திலான பல நோய்கள் வர வாய்ப்பு உள்ளது என்ற கருத்தை எடுத்துரைத்து இருக்கிறார்கள்.

கிட்டத்தட்ட 70 விழுக்காட்டு இந்தியர்கள் மரபியல் அடிப்படையிலான நோய்களைக் கொண்டவர்களாக உள்ளனர் என்பது குறிப்பிடத்தக்கது.

இந்தியர்களின் மூதாதையர்கள் குறித்த இந்த ஆய்வின் புதிய முடிவுகள் வரலாற்றை மாற்றி எழுதக் கூடியவை என்பதால் அறிவியலாளர்களிடையே முக்கிய விவாதப் பொருளாகியிருக்கிறது.

இந்தியன் இன்ஸ்டிடியூட் ஆப் டெக்னாலஜி, சென்னை

இந்தியன் இன்ஸ்டிடியூட் ஆப் டெக்னாலஜி, சென்னை

சென்னை ஐ.ஐ.டி., 1959ம் ஆண்டில் துவங்கப்பட்டது. மொத்தம் 250 ஹெக்டர் பரப்பளவில் அமைந்துள்ள சென்னை ஐ.ஐ.டி.,யில் 460 பேராசிரியர்களும், 4 ஆயிரத்து 500 மாணவர்களும், ஆயிரத்து 250 நிர்வாக ஊழியர்களும் உள்ளனர். கல்வி, ஆராய்ச்சி, தொழில்நுட்ப ஆலோசனை என பல்வேறு பரிமாணங்களைக் கொண்டுள்ளது. அறிவியல், பொறியியல் சம்பந்தப்பட்ட15 துறைகள், சில ஆராய்ச்சி மையங்கள், 100 ஆய்வக்கூடங்கள் ஆகியவற்றுடன் திறம்பட செயல்பட்டு வருகிறது. சர்வதேச தரமிக்க ஆசிரியர்கள், புத்திகூர்மையான மாணவர்கள், அனுபவம் வாய்ந்த தொழில்நுட்ப ஊழியர்கள், சிறந்த நிர்வாகம் என சென்னை ஐ.ஐ.டி., சர்வதேச புகழ்பெற்ற கல்வி நிறுவனமாக விளங்குகிறது. இளநிலை தொழில்நுட்ப பட்டப்படிப்பு (பி.டெக்.,): ஏரோஸ்பேஸ் இன்ஜினியரிங் பயோடெக்னாலஜி கெமிக்கல் இன்ஜினியரிங் சிவில் இன்ஜினியரிங் கம்ப்யூட்டர் சயின்ஸ் மற்றும் இன்ஜினியரிங் எலக்டிரிக்கல் இன்ஜினியரிங் இன்ஜினியரிங் பிசிக்ஸ் மெட்டலார்ஜிக்கல் மற்றும் மெட்டீரியல்ஸ் இன்ஜினியரிங் மெக்கானிக்கல் இன்ஜினியரிங் நேவல் ஆர்க்கிடெக்சர் மற்றும் ஓசன் இன்ஜினியரிங் பி.டெக்., / எம்.டெக்., டியூயல் டிகிரி: எரோஸ்பேஸ் இன்ஜினியரிங் ஏரோபேஸ் இன்ஜினியரிங் - எம்.டெக்., இன் அப்ளைடு மெக்கானிக்ஸ் பயொடெக்னாலஜி கெமிக்கல் இன்ஜினியரிங் சிவில் இன்ஜினியரிங் - எம்.டெக்., இன்பிராஸ்டரச்சுரல் சிவில் இன்ஜினியரிங் கம்ப்யூட்டர் சயின்ஸ் மற்றும் இன்ஜினியரிங் - எம்.டெக்., இன்பர்மேஷன் இன்ஜினியரிங் எலக்டிரிக்கல் இன்ஜினியரிங் - எம்.டெக்., கம்யூனிகேஷன் மற்றும் சிக்னல் பிராசசிங் எலக்டிரிக்கல் இன்ஜினியரிங் - எம்.டெக்., மைக்ரோ எலக்ட்ரானிக்ஸ் மற்றும் வி.எல்.ஐ.எஸ்., டிசைன் எலக்டிரிக்கல் இன்ஜினியரிங் - எம்.டெக்., பவர் சிஸ்டம்ஸ் மற்றும் பவர் எலக்ட்ரானிக்ஸ் இன்ஜினியரிங் டிசைன் மற்றும் எம்.டெக்., ஆட்டோமோடிவ் இன்ஜினியரிங் மெக்கானிக்கல் இன்ஜினியரிங் - எம்.டெக்., எனர்ஜி டெக்னாலஜி மெக்கானிக்கல் இன்ஜினியரிங் - எம்.டெக்., இன்டெலிஜென்ட் மேனுபாக்சரிங் மெக்கானிக்கல் புராடெக்ட் டிசைன் மெட்டலார்ஜிக்கல் மற்றும் மெட்டீரியல்ஸ் இன்ஜினியரிங் நேவல் ஆர்க்கிடெக்சர் மற்றும் ஓசன் இன்ஜினியரிங் நேவல் ஆர்க்கிடெக்சர் இன்ஜினியரிங் - எம்.டெக்., அப்ளைடு மெக்கானிக்ஸ் கட்டண விபரம்: ஒருமுறை செலுத்த வேண்டிய தொகை: ரூ.1,750 செமஸ்டர் கட்டணம்: ரூ.16,650 திரும்ப பெறக்கூடிய வைப்புத் தொகை: ரூ.2,000 மெடிக்கல் இன்சூரன்ஸ் கட்டணம்: ரூ.468 மொத்த கட்டணம்: ரூ.20,868 தொடர்புகொள்ள: இந்தியன் இன்ஸ்டிடியூட் ஆப் டெக்னாலஜி மெட்ராஸ் சென்னை 600 036 பேக்ஸ்: 91 044 2257 0509 வெப்சைட்: www.iitm.ac.இன் நன்றி: தினமலர் கல்விமலர்.கொம்

கொசுக்களை விரட்டும் மொபைல்போன் ரிங்டோன்

கொசுக்களை விரட்டும் மொபைல்போன் ரிங்டோன்

பிப்ரவரி 11,2010

புதுடில்லி:ரத்தம் உறிஞ்சும் கொ சுக்களை விரட்ட, கொசுவர்த்திச் சுருள், ஸ்பிரே, க்ரீம் போன்றவை இனித் தேவையில்லை. அதற்குப் பதிலாக சில மொபைல் போன்களிலிருந்து வரும் ஒலியே, கொசுக்களை விரட்டி விடுகிறது.உலகில், மொபைல் போன் சந்தையில் குறிப்பிட்ட இடத்தில் இந்தியா இருக்கிறது. இந்திய வாடிக்கையாளர்களைக் கவர பல்வேறு திட்டங்களை, பல மொபைல் நிறுவனங்கள் செயல்படுத்தி வருகின்றன. அவற்றில் இப்போது, கொசுவை விரட்டும் ரிங்டோன்கள் பிரபலமாகி வருகின்றன.

மனிதனின் காதால் கேட்க முடியாத அள வுக்கு மெல்லிய ஒலி அலைகள் கொண்ட ரிங்டோன்கள் மொபைல் போன்களிலிருந்து வெளிப்படும். இந்த ரிங்டோன்கள், மொபைல் போன் வைத்திருப்பவரைச் சுற்றி ஒரு மீட்டர் தூரத்துக்கு கொசுவை அண்டவிடாமல் துரத்தி விடும்.இதுபோன்ற மொ பைல் போன்களை "மைக்ரோவேவ் இன்பர் மேட்டிக்ஸ் லிமிடெட்' நிறுவனமும், வேறு சில நிறுவனங்களும் வெளியிட்டுள்ளன.

மேலும், www.gackoandfly.com , www.jetcityorange.com ஆகிய வெப்சைட்டுகளும் இதுபோன்ற ரிங்டோன்களை இலவசமாகத் தரவிறக்கம் செய்து தருகின்றன.

ஆபாச வெப்சைட்களுக்கு தடை வருமா?

ஆபாச வெப்சைட்களுக்கு தடை வருமா? தலைமை நீதிபதி கொதிப்பு எதிரொலி

பிப்ரவரி 11,2010

புதுடில்லி : ""ஆபாச வெப்சைட்கள் மற்றும் வெறுப்புணர்ச்சியைத் தூண்டும் கருத்துக்களை வெளியிடும் வெப்சைட்களையும் தடை செய்ய மத்திய அரசு பரிசீலிக்க திட்டமிட்டுள்ளது. இதற்காக, தகவல் உரிமை சட்டத்தை திருத்தலாமா என்று யோசித்து வருகிறது.

டில்லியில், சைபர் சட்ட அமலாக்க நிகழ்ச்சி மற்றும் தேசிய கலந்தாய்வுக் கூட்டத்தில் கலந்து கொண்ட சுப்ரீம் கோர்ட் தலைமை நீதிபதி கே.ஜி.பாலகிருஷ்ணன் இது தொடர்பாக தன் வேதனையை பகிர்ந்து கொண்டார். அவர் பேசிய கருத்துக்களில் முக்கியமான சில: இந்தியாவில் இணையதளங்கள் மூலமான குற்றங்கள் அதிகரித்துக் கொண்டே வருகின்றன. போலியான பெயர்களில் குற்றவாளிகள் இவற்றில் ஈடுபடுவதால் புலனாய்வு ஏஜன்சிகளுக்குத் தவறான தகவல்கள்தான் கிடைக்கின்றன. ஆபாசப் படங்கள் மற்றும் வீடியோக்களை வெளியிடும் வெப்சைட்கள் அதிகரித்து விட்டன. அவற்றில் அத்துமீறல்களும், அப்பாவிகளை சிக்க வைத்து வியாபாரமாக்கும் மோசடிகளும் நடக்கின்றன. இது தவிர, வெறுப்புணர்ச்சியைத் தூண்டும் பேச்சுக்களை வெளியிடுவதும் நாளுக்கு நாள் அதிகரித்து வருகின்றன. எந்த ஒரு விஷயம் பற்றியும் கேவலமான விமர்சனங்களை வெளியிடும் சுதந்திரமும் கிடைத்துள்ளது. குறிப்பிட்ட விஷயம் குறித்து தவறான பிரசாரம் செய்யவும் வளைத்தளங்கள் வழிவகுக்கின்றன.

ஆபாச மற்றும் தவறான கருத்துக்களை பரப்புவதில் ஈடுபடும் வெப்சைட்களால் சமுதாயத்தில் பெரும் சீரழிவுக்கு வழி ஏற்படுகிறது; தவறான கருத்துக்களால் பல்வேறு மக்களும் பாதிக்கப்படுகின்றனர். இதுபோன்ற வெப்சைட்களை தடை செய்வது பற்றி மத்திய அரசு யோசிக்க வேண்டும். இதற்காக, எல்லா இணையதளங்களுக்கும் தடை விதிக்க வேண்டும் என்று சொல்லவில்லை; வெப்சைட்களை நடத்துவோர் வேறு; அதை இயக்குவோர் வேறு. அவர்களை அடையாளம் கண்டு சரியான நடவடிக்கை எடுக்க வேண்டும். வெப்சைட்களில் உள்ள விவரங்களால் சில சமயம் பாதிப்பும் வருகிறது என்பதற்கு ஒரு விஷயத்தை நினைவுபடுத்த வேண்டும். சுப்ரீம்கோர்ட் இணையதளத்தில் நீதிபதிகள் தங்கள் வங்கிக் கணக்கு எண் முதற்கொண்டு விவரங்களை வெளியிட்டுள்ளனர். இதுபோன்று வெளிப்படையாக சில தகவல்களை வெளியிட்டால், நெட் திருடர்கள் வங்கிக் கணக்கைச் சூறையாட வசதியாகப் போய்விடுகிறது.

இப்படி இணையதளத்தில் நீதிபதிகள் தங்கள் சொத்து விவரங்களை வெளியிட்ட சில நாட்கள் கழித்து ஒருவர் எனக்குக் கடிதம் எழுதியிருந்தார். அதில், நீதிபதிகளின் வங்கிக் கணக்கு எண்களை நான் உடனடியாக நீக்கிவிட வேண்டும் என்று கேட்டுக் கொண்டிருந்தார். உலகின் எந்த மூலையில் இருந்தும் எங்கும் உள்ளவர்களுடன் பேச, தொடர்பு கொள்ள மிகவும் வசதியாக உள்ளது கம்ப்யூட்டர் இன்டர்நெட் என்றாலும், எந்த அளவுக்கு அதனால் பலன் கிடைக்கிறதோ, அந்த அளவுக்கு தீமையும் உள்ளது. எந்த ஒரு தொழில்நுட்ப வளர்ச்சியிலும் நல்லது உள்ள அளவு, கெட்டதும் இருக்கத்தான் செய்கிறது. கம்ப்யூட்டர் மூலம் நல்ல விஷயங்களை எடுத்துக்கொள்ள முடிகிறது என்றாலும், தவறான வழிகளில் ஆதாயம் சேர்ப்போர், அதை தவறாக பயன்படுத்தவே நினைக்கின்றனர். இதுபோன்ற வசதிகள் மக்களைச் சுரண்டாமல், துன்பப்படுத்தாமல் இருக்கும் வகையில் சட்டரீதியான அமைப்புகள் மற்றும் ஒழுங்குமுறை ஏஜென்சிகள் உறுதியளிக்க வேண்டும். இவ்வாறு கே.ஜி.பாலகிருஷ்ணன் தெரிவித்தார்.

சட்ட அமைச்சர் வீரப்ப மொய்லி பேசுகையில்,"சர்வதேச அளவில் உள்ள சட்ட நடைமுறைகளை ஆராய்ந்து அதற்கேற்ப, இதுபோன்ற வெப்சைட்களை தடை செய்ய முடியுமா என்பது ஆராயப்படும்; மேலும், தகவல் உரிமை சட்டத்தில் இது தொடர்பாக மாற்றம் கொண்டுவந்து, தவறுகளை களைய நடவடிக்கை எடுக்கப்படும். தனிப்பட்ட முறையில் பாதிக்கப்பட்டோர், இந்த சட்டத்தின் மூலம் நடவடிக்கை எடுக்க வழி செய்யப்படும்' என்று தெரிவித்தார்.

அரசு மருத்துவமனையில் கவர்னர்

அரசு மருத்துவமனையில் கவர்னர்: பின்பற்றுவரா அரசியல்வாதிகள்?

பிப்ரவரி 11,2010

ஐதராபாத் : செகந்திராபாத் காந்தி அரசு மருத்துவமனையில், ஆந்திர மாநில கவர்னர் நரசிம்மன், அறுவை சிகிச்சை செய்து கொண்டார். இச்சம்பவம், பலரையும் வியப்பில் ஆழ்த்தியது.ஏழை, எளிய குடும்பங்களைச் சேர்ந்த நோயாளிகள், அரசு மருத்துவமனைக்கு செல்லாமல், தனியார் மருத்துவமனைகளில் சிகிச்சை பெறும் நிலை உள்ளது. ஆனால், ஆந்திர மாநில கவர்னர் நரசிம்மன், கட்டியை அகற்ற, அரசு மருத்துவமனையில் சிகிச்சை பெற்றது, மருத்துவ வட்டாரங்களில் ஆச்சரியத்தை ஏற்படுத்தியுள்ளது. கவர்னர் நரசிம்மனின் இடது தொடையில், சிறிய கட்டி ஏற்பட்டது. "பெடங்குலேடெட் டெர்மோலைபோமா' என கூறப்படும் இக்கட்டியால், சிரமப்பட்டு வந்தார். அவரது தனி டாக்டர்கள், அறுவை சிகிச்சை செய்து கொள்ள அறிவுறுத்தினர். நேற்று முன்தினம் காலை, மனைவி விமலாவுடன் மருத்துவமனைக்கு வந்த கவர்னரை, மருத்துவத் துறை முதன்மை செயலர் ரமேஷ்குமார், காந்தி மருத்துவமனை கண்காணிப்பாளர் அசோக்குமார், பிளாஸ்டிக் சர்ஜன் மோகனகிருஷ்ணன் ஆகியோர் வரவேற்று, "அட்மிட்' செய்தனர். அவருக்கு மயக்க மருந்து கொடுத்து, அரை மணி நேரத்தில், இடது தொடையில் இருந்த கட்டியை அகற்றினர். அரை மணி நேரம் ஓய்வெடுத்த கவர்னர் நரசிம்மன், மருத்துவக் குழுவினருக்கு நன்றி தெரிவித்து, கவர்னர் மாளிகைக்கு புறப்பட்டார்.

டாக்டர் ரமேஷ்குமார் கூறுகையில், "ஏழை மக்களுக்கு மருத்துவ சேவை புரிந்து வரும் அரசு மருத்துவமனை மீதுள்ள நம்பிக்கையால், கவர்னர் இங்கு சிகிச்சை பெற்றது முழு திருப்தி அளிக்கிறது' என்றார்.பின்பற்றுவரா அரசியல்வாதிகள்...: சிறு வியாதி என்றாலும், தனியார் மருத்துவமனை மற்றும் வெளிநாடுகளுக்குச் சென்று சிகிச்சை பெறும் அரசியல்வாதிகள் மத்தியில், மாநிலத்தின் முதல் குடிமகனாக விளங்கும் கவர்னர், அரசு மருத்துவமனையில் சிகிச்சை பெற்ற தகவல், பலரையும் வியப்பில் ஆழ்த்தியது. இவரைத் தொடர்ந்து அரசியல்வாதிகளும், அரசு மருத்துவமனையில் சிகிச்சை பெற்றால், பொதுமக்கள் மத்தியில் அரசு மருத்துவமனைகளின் தரம், வெளி உலகிற்கு தெரியவரும்

அமெரிக்காவில் சட்ட விரோதமாக தங்கி உள்ள இந்தியர்கள் 2 லட்சம்

அமெரிக்காவில் சட்ட விரோதமாக தங்கி உள்ள இந்தியர்கள் 2 லட்சம்

பிப்ரவரி 11,2010

வாஷிங்டன் : "அமெரிக்காவில், இரண்டு லட்சம் இந்தியர்கள் சட்ட விரோதமாக தங்கியிருக்கின்றனர்' என, 2009ம் ஆண்டு சட்டவிரோதமாக குடியிருப்பவர்கள் பற்றிய அறிக்கையில் தெரிவிக்கப்பட்டுள்ளது. இது குறித்து வெளியிடப்பட்ட அறிக்கை: அமெரிக்காவில், 2008ம் ஆண்டு 1.60 லட்சம் இந்தியர்கள், சட்ட விரோதமாக தங்கியிருந்தனர். கடந்தாண்டு, சட்ட விரோதமாக தங்கியுள்ள இந்தியர்களின் எண்ணிக்கையில், 40 ஆயிரம் பேர் அதிகரித்துள்ளனர்.
அமெரிக்காவில் சட்டவிரோதமாக தங்கியிருப்பவர்களின் எண்ணிக்கை தற்போது குறைந்து வருகிறது. அதாவது, 2008ம் ஆண்டு, 1.16 கோடியாக இருந்த, அந்நாட்டில் சட்டவிரோதமாக தங்கியிருப்பவர்களின் எண்ணிக்கை கடந்தாண்டு, 1.08 கோடியாக குறைந்துள்ளது.
இந்நிலையில், அங்கு சட்ட விரோதமாக தங்கியிருக்கும் இந்தியர்கள் எண்ணிக்கை அதிகரித்துள்ளது குறிப்பிடத்தக்கது. அமெரிக்காவில் சட்ட விரோதமாக குடியேறுபவர்களில் மெக்சிகோ நாட்டைச் சேர்ந்தவர்கள் முதலிடத்தில் உள்ளனர். இதற்கு அடுத்தபடியாக, எல் சால்வடார், கவுதமாலா, ஹோண்டுரா, பிலிப்பைன் மற்றும் இந்தியா ஆகிய நாடுகளைச் சேர்ந்தவர்கள் உள்ளனர்.
கடந்த 2000ம் ஆண்டு முதல் 2009ம் ஆண்டு வரையிலான காலத்தில், அமெரிக்காவில் சட்ட விரோதமாக குடியேறும் மெக்சிகோ நாட்டவர்களின் எண்ணிக்கை 20 லட்சமாக அதிகரித்துள்ளது. இவ்வாறு அந்த அறிக்கையில் தெரிவிக்கப்பட்டுள்ளது.

ஆசியாவின் முதல் ‘எனர்ஜி யுனிவர்சிட்டி’ யு.பி.இ.எஸ்

ஆசியாவின் முதல் ‘எனர்ஜி யுனிவர்சிட்டி’ யு.பி.இ.எஸ்., - 09-02-2010

பெட்ரோலியம் மற்றும் எரிசக்தி பல்கலைக்கழகம் (யு.பி.இ.எஸ்.,) இந்தியாவில் மட்டுமல்லாது ஆசியாவிலேயே முதல் ‘எனர்ஜி யுனிவர்சிட்டி’ என்ற பெருமை பெற்றது.

இது உத்தர்கண்ட் மாநிலத்தில் உள்ள டேராடூனில் 2003ம் ஆண்டு ஆரம்பிக்கப்பட்டது. டேராடூன், குர்கான் மற்றும் ராஜமுந்திரி என மூன்று இடங்களில் இதன் கிளைகள் அமைந்துள்ளது. இந்த பல்கலைக்கழகத்தில் ஆயில் அன்டு கேஸ், பவர், டிரான்ஸ்பெடேசன், இன்பிராஸ்டிரக்சர், லாஜிஸ்டிக்ஸ் அன்டு சப்ளை செயின் செக்டார்ஸ் பற்றிய 35 பாடப்பிரிவுகள் இயங்கி வருகின்றன. மேலும் இதில் தகவல் தொழில் நுட்பம், எலக்ட்ரானிக்ஸ், எரிசக்தி பற்றிய சட்டப் படிப்புகள் மற்றும் மேலாண்மை படிப்புகள் பற்றிய துறைகளும் உள்ளன. பாடப்பிரிவுகள்: இந்த பல்கலைக்கழகத்தில் பி.டெக்., எம்.டெக்., எம்.பி.ஏ., பி.பி.ஏ., மற்றும் எல்.எல்.பி., போன்ற பாடப்பிரிவுகள் செயல்பட்டு வருகின்றன. எம்.பி.ஏ., பிரிவுடன் சேர்ந்த பி.டெக்., இன்டகிரேட்டேடு பாடப்பிரிவும் இங்கு உள்ளது. பி.டெக்., பாடப்பிரிவுகள் * பெட்ரோலியம் இன்ஜினியரிங், * கெமிக்கல் இன்ஜினியரிங், * பெட்ரோலியம் அன்டு கேஸ் இன்ஜினியரிங், * ஜியோ சயின்ஸ் இன்ஜினியரிங், * ஜியோ இன்பர்மேடிக்ஸ் இன்ஜினியரிங், * பைப்லைன் இன்ஜினியரிங், * புராசஸ் இன்ஜினியரிங், * ஏரோஸ்பேஸ் இன்ஜினியரிங், * ஆட்டோமேட்டிவ் இன்ஜினியரிங், * பவர் சிஸ்டம் இன்ஜினியரிங், * இன்பிராஸ்டிரக்சர் இன்ஜினியரிங், * எலக்ட்ரிகல் இன்ஜினியரிங் போன்ற பாடப்பிரிவுகள் இப்பல்கலைக்கழகத்தில் இயங்கி வருகின்றன. எம்.பி.ஏ.,வுடன் சேர்ந்த பி.டெக்., பிரிவுகள் * ஆயில் அன்டு கேஸ், * ஏவியேஷன், * இன்பிராஸ்டிரக்சர், * லாஜிஸ்டிக் அன்டு சப்ளை செயின், * போர்ட் அன்டு ஷிப்பிங், * பவர் போன்ற எம்.பி.ஏ., படிப்புடன் இணைந்த பி.டெக்., பாடப்பிரிவுகள் இங்கு உள்ளன. எம்.டெக்., பாடப்பிரிவுகள் * பெட்ரோலியம் எக்ஸ்புளரேஷன், * ஹெல்த், சேப்டி அன்டு என்விரான்மென்டல் இன்ஜினியரிங், * பைப்லைன் இன்ஜினியரிங், * புராசஸ் டிசைன், * எனர்ஜி சிஸ்டம்ஸ் போன்ற எம்.டெக்., பாடப்பிரிவுகள் இங்கு செயல்பட்டு வருகின்றன. எம்.பி.ஏ., பாடப்பிரிவுகள் * பவர் மேனேஜ்மென்ட், * ஆயில் அன்டு கேஸ் மேனேஜ்மென்ட், * எனர்ஜி டிரேடிங், * ஏவியேஷன் மேனேஜ்மென்ட், * போர்ட் அன்டு ஷிப்பிங் மேனேஜ்மென்ட், * இன்பிராஸ்டிரக்சர் மேனேஸ்மென்ட், * லாஜிஸ்டிக் அன்டு சப்ளை செயின் மேனேஜ்மென்ட், * இன்பர்மேசன் சிஸ்டம்ஸ் மேனேஜ்மென்ட், * இன்டர்நேஷனல் பிசினஸ் போன்ற எம்.பி.ஏ., பாடப்பிரிவுகள் இங்கு இயங்கி வருகின்றன. பி.பி.ஏ., பாடப்பிரிவுகள்: * ஆயில் அன்டு கேஸ் மார்கெட்டிங், * எம்.பி.ஏ., பிரிவுடன் சேர்ந்த இன்டகிரேட்டேடு பி.பி.ஏ., பிரிவான ஆயில் அன்டு கேஸ் மேனேஜ்மென்ட்டும் இங்கு செயல்பட்டு வருகிறது. எல்.எல்.பி., பாடப்பிரிவு இப்பல்கலைக்கழத்தில் எனர்ஜி ஸ்டடீஸ் பற்றிய ஐந்து வருட இன்டகிரேட்டேடு சட்டப்படிப்பும் பயிற்றுவிக்கப்படுகிறது. இது இந்திய பார் கவுன்சிலால் அங்கீகரிக்கப்பட்டது. இந்த சட்டப்படிப்பில் சேருவதற்கு பத்தாம் வகுப்பு, பிளஸ் 2வில் 50 சதவீத மதிப்பெண்களுடன் தேர்ச்சி பெற்றிருக்க வேண்டும். சரியான வயதையும் பெற்றிருப்பது அவசியம். குறிப்பிட்ட தகுதியுடையவர்கள் பல்கலைக்கழகம் நடத்தும் நுழைவுத்தேர்வில் வெற்றி பெற்று இந்த சட்டப்படிப்பில் சேரலாம். பணி வாய்ப்புகள்: இந்த பல்கலைக்கழகத்தில் பெட்ரோலியத்துறையில் படித்தவர்களுக்கு ஆயில் மற்றும் கேஸ் நிறுவனங்களில் சிறப்பான வேலைவாய்ப்பு உள்ளது. இன்ஜினியரிங் பிரிவுடன் மேலாண்மை படிப்பில் பட்டம் பெற்றவர்களுக்கு பவர் கார்ப்பரேஷன்கள், பவர் உற்பத்தி நிலையங்கள், கன்சல்டன்சிகள் மற்றும் இது சம்பந்தப்பட்ட அரசு அலுவலங்களில் வேலைவாய்ப்பு உள்ளது. பெட்ரோலியம் உற்பத்தி நாடுகளில் இவர்களுக்கு அதிக வரவேற்பு உள்ளது. மேலும் இது சம்பந்தப்பட்ட கல்லூரிகளில் ஆசிரியர் மற்றும் பயிற்றுநர் போன்ற பிரிவுகளிலும் வேலைவாய்ப்புகள் இருக்கின்றன. இப்பல்கலைக்கழகம் யு.ஜி.சி.,யால் அங்கீகரிக்கப்பட்ட முதல் கல்வி நிறுவனம் என்ற பெருமை பெற்றது. பிரிட்டனில் உள்ள எனர்ஜி இன்ஸ்டிடியூட்டை பின்பற்றி இந்தியாவில் ஆரம்பிக்கப்பட்டது. இந்தியா மற்றும் ஆசியாவின் முதல் எனர்ஜி பல்கலைக்கழகம் இதுதான். இந்தியாவில் முதல் முதலாக இங்குதான் பயோ - டீசல் ஆய்வகம் அமைக்கப்பட்டது. இந்தியாவில் எஸ்.ஏ.பி., தொழில்நுட்பமும் இந்த நிறுவனத்தில் தான் முதலாவதாக ஆரம்பிக்கப்பட்டது. மேலும் இந்த பல்கலைக்கழகம் பற்றிய தகவல்களை www.upesindia.org என்ற இணைதளத்தில் தெரிந்து கொள்ளலாம்.

வேகமாக முன்னேறுகிறது இந்தியா : மத்திய புள்ளியியல் துறை தகவல்

வேகமாக முன்னேறுகிறது இந்தியா : மத்திய புள்ளியியல் துறை தகவல்

பிப்ரவரி 10,2010

சென்னை :"பொருளாதார மந்த நிலையிலிருந்து வேகமாக மீண்டுவரும் நாடுகளில் சீனாவை தொடர்ந்து இந்தியா, இரண்டாம் இடம் பிடித்துள்ளது. மத்திய புள்ளியியல் துறையின் ஆய்வுப்படி, கடந்த ஆண்டில் மட்டும் 6.7 சதவீத மொத்த உள்நாட்டு உற்பத்தி (ஜி.டி.பி.,) வளர்ச்சியை இந்தியா பெற்றுள்ளது. வரும் ஆண்டில் இது 7.2 சதவீதமாக இருக்கும் என கணக்கிடப்பட்டுள்ளது.

வருடத்தின் முதல்பாதியில் மந்தமாக காணப்படும் ஜி.டி.பி., வளர்ச்சி, வருடத்தின் பிற்பகுதியில் வேகமாக முன்னேற வாய்ப்புள்ளது' என, கருத்துக் கணிப்புகள் தெரிவிக்கின்றன.கடந்த ஆண்டு விவசாயத் துறையில் வளர்ச்சி 1.6 சதவீத இழப்பும், நடப்பு வருடத்தில் இழப்பு 0.2 சதவீதமாகவும் இருக்கும் என்றும் தெரிவிக்கப்பட்டுள்ளது. பொருள் உற்பத்தி சார்ந்த தொழில்களில் கடந்த ஆண்டு 3.2 சதவீத வளர்ச்சியும், நடப்பு வருடம் 8.9 சதவீத வளர்ச்சியும் இருக்கும் என்று தெரிகிறது.ஏற்றுமதி, போக்குவரத்து மற்றும் தகவல்தொடர்பு உள்ளிட்ட துறைகளின் வளர்ச்சி 8.3 சதவீதமாக இருக்கும் என்றும் தெரிவிக்கப்பட்டுள்ளது. கட்டுமானத்துறையில் 6.5 சதவீத வளர்ச்சியும், நிதியுதவி, இன்சூரன்ஸ், ரியல் எஸ்டேட் மற்றும் வியாபாரத் துறையில் 10.1 சதவீத வளர்ச்சியும் பெறும் என கணக்கிடப்பட்டுள்ளது.

மேலும், சமூகம் மற்றும் தனிப்பட்ட மனிதர்களுக்கான செலவுகள் கடந்தாண்டு 13.9 சதவீதமாகவும், நடப்பு ஆண்டு 9.9 சதவீதமாகவும் இருக்கும் என்று கணக்கிடப்பட்டுள்ளது.கடந்த ஆண்டு உணவுப்பொருள் விலை ஏற்றத்திற்கு காரணம், பருவம் தவறி பெய்த மழையால், நாட்டின் பல்வேறு பகுதிகளில் ஏற்பட்ட வெள்ளம் காரணமாக உணவு தானியங்கள், பழங்கள் மற்றும் காய்கறிகள் உற்பத்தி பாதிப்படைந்ததே என்று தெரிவிக்கப்பட்டுள்ளது.மத்திய புள்ளியியல் துறையை தவிர்த்து, மத்திய நிதி அமைச்சகத்தின் ஆய்வின்படி நடப்பு ஆண்டு ஜி.டிபி., வளர்ச்சி 7.75 சதவீதமாகவும், ரிசர்வ் வங்கியின் ஆய்வுப்படி 7.5 சதவீதமாகவும் இருக்கும் என்று தெரிவிக்கப்பட்டுள்ளது.

எரிவாயு விஷயத்தில் ஏமாற்றப்படுகிறது தமிழகம்

பிப்ரவரி 10,2010

கிருஷ்ணா - கோதாவரி படுகையில் கிடைக்கும் எரிவாயுவில் தமிழகத்துக்கும் பங்கு அளிக்கப்படும் என்று வாக் குறுதி அளிக்கப்பட்டிருந்தது. கடந்த ஐந்து ஆண்டுகளாக வெறும் ஏட்டளவில் மட்டுமே இருக்கும் இந்த வாக்குறுதி, மத்திய பெட்ரோலிய அமைச்சகம் உட்பட சம்பந்தப்பட்ட சில அரசு துறைகளுக்கு இடையே, கால்பந்து போல, மாறி மாறி உதைபட்டு வருகிறது.

ஆந்திர மாநிலம் காக்கிநாடா அருகே கிருஷ்ணா - கோதாவரி படுகையில் இயற்கை எரிவாயு கிடைத்துள்ளது. இந்த எரிவாயுவில் தமிழகத்திற்கும் பங்கு வேண்டுமென்று, எரிவாயுவை எடுத்து வழங்கும் உரிமம் பெற்ற, ரிலையன்ஸ் நிறுவனத்திடமும், மத்திய அரசிடமும், பல முறை தமிழக அரசு கோரிக்கை வைத்தது.எந்தெந்த ஊர்கள் வழியாக எடுத்துச் செல்வது, எந்த இடத்தில் குழாய்களை பதிப்பது போன்ற விவரங்கள், இறுதி செய்யப்பட்டன. இதற்கான அனுமதி, 2007ம் ஆண்டு, மத்திய பெட்ரோலிய அமைச்சகம் அளித்தது. கர்நாடகா, மேற்குவங்க மாநிலங்களுக்கும், இந்த எரிவாயு அளிக்கப்படும் என்று உறுதியளிக்கப்பட்டது.தமிழகத்தின் பங்காக, நாள் ஒன்றுக்கு ஒரு கோடி ஸ்டாண்டர்டு சதுர மீட்டர் அளவு, எரிவாயு வழங்கப்படும் என்று தெரிவிக்கப்பட்டது.

தமிழகத்தில், சென்னை, கோவை, கடலூர், தர்மபுரி, திண்டுக்கல், ஈரோடு, காஞ்சி, திருச்சி, நாகை, புதுக்கோட் டை, சேலம், நெல்லை, தூத்துக்குடி, வேலூர் ஆகிய நகரங்களுக்கு, எரிவாயு வழங்கும், "சிட்டி காஸ்' திட்டமும் அறிவிக்கப்பட்டது. புதிதாக துவங்கப்படும் மின்திட்டங்களுக்கும் எரிவாயு அளிக்க வேண்டும் என்று, தமிழக அரசு நிபந்தனை விதித்தது.திடீரென, 2007ம் ஆண்டு, பெட்ரோலிய ஒழுங்குமுறை ஆணையம் என்று புதிதாக ஒரு அதிகார அமைப்பு உருவாக்கப்பட்டது.தமிழகத்திற்கு எரிவாயு வழங்கும் திட்டத்தை, இந்த ஆணையம் பரிசீலித்தது. எந்த முடிவும் எடுக்காமல், இரண்டு ஆண்டுகளாக கிடப்பில் போட்டது. 2009ம் ஆண்டு ஜூனில், "சிட்டி காஸ்' வழங்கும் திட்டத்திற்கு மட்டும், ஆணையம் ஒப்புதல் வழங்கியது.

உ.பி.,யில் மதுரா, மீரட், ஆக்ரா, புலந்த்சர், ராஜஸ்தானில் கோட்டா, அஜ்மீர், அரியானாவில் சோன்பேட், ம.பி., யில் திவாஸ், ஆந்திராவில் காக்கிநாடா உட்பட 13 நகரங்களுக்கு எரிவாயு அளிக்கலாம் என ஒப்புதல் அளிக்கப்பட்டது.மறைந்த ஆந்திர முதல்வர் ராஜசேகர ரெட்டி, தன் மாநிலத்தில் உள்ள ஒரு நகருக்காவது எரிவாயு கொடுக்க வேண்டும் என சண்டை போட்டதால், கிடைத்தது; இல்லையெனில், கிடைத்திருக்காது. தமிழக நகரங்கள் குறித்து எதுவும் குறிப்பிடப்படவில்லை.இதற்கிடையில், டில்லி ஐகோர்ட்டில், ஒரு பொதுநலவழக்கு தொடரப்பட்டது. இந்த எரிவாயுவைப் பகிர்ந்து கொள்வதில், முறைகேடு நடக்கிறது என்று கூறி, தொடரப்பட்ட அந்த வழக்கை விசாரித்த டில்லி ஐகோர்ட், எரிவாயு பகிர்ந்து வழங்கும் அதிகாரம், பெட்ரோலிய ஒழுங்கு முறை ஆணையத்திற்கு இல்லை என்று கூறி தீர்ப்பளித்து விட்டது.

இதற்கிடையே முதல்வர் கருணாநிதி, தமிழகத்துக்கு எரிவாயு அளிக்க வேண்டுமென்று வலியுறுத்தி, பிரதமர், சோனியா ஆகியோருக்கு, நான் கைந்து கடிதங்கள் எழுதினார்.டில்லி ஐகோர்ட் தீர்ப்பு வந்து நான்கு மாதங்கள் ஆகிவிட்டன. ஆனால், இதுவரை நடவடிக்கை ஏதும் இல்லை.இரு தினங்களுக்கு முன், பெட்ரோலிய அமைச்சக செயலர் சுந்தேரசனை, பெட்ரோலிய ஒழுங்குமுறை ஆணையத் தலைவர் மான்சிங் சந்தித்து, ஆலோசனை நடத்தியுள்ளார். இந்த ஆலோசனையின் போது, டில்லி ஐகோர்ட் அளித்த தீர்ப்பை அமல்படுத்த வேண்டாமென்றும், இந்த தீர்ப்பை எதிர்த்து சுப்ரீம் கோர்ட்டில் மேல்முறையீடு செய்யப் போவதாகவும் தெரிவித்துள்ளதாக தகவலறிந்த வட்டாரங்கள் தெரிவிக்கின்றன.சுப்ரீம் கோர்ட்டுக்கு போனால், அங்கு வழக்கு விசாரணை முடிந்து, தீர்ப்பு சொல்ல ஐந்து ஆண்டுகள் ஆகிவிடும். அதற்குள், கிருஷ்ணா - கோதாவரி எரிவாயு திட்டமே திசை மாறிப் போக வாய்ப்பு ஏற்படும். தமிழகத்திற்கு எதுவும் கிடைக்காத நிலை ஏற்பட்டு விடும்.

காவிரியும், எரிவாயுவும் : காவிரி நதிநீர் பங்கீடு தொடர்பாக நதிநீர் ஆணையம் இறுதி தீர்ப்பு அளித்தது. இதை அமல்படுத்தாமல், சுப்ரீம் கோர்ட்டுக்கு சென்றதன் விளைவு, தமிழகத்தின் சோகம் இன்னமும் தீர்ந்தபாடில்லை.ஒரு பிரச்னை சுப்ரீம் கோர்ட்டுக்கு எடுத்துச் செல்லப்படுகிறது என்றாலே அது, இழுத்தடிக்கும் தந்திரம்தான். காவிரி பங்கீடு எப்படி முடங்கி கிடக்கிறதோ அதேபோலதான் தற்போது எரிவாயு பங்கீடும் முடங்கும் நிலையை அடைந்துவிட்டது.

குழாய்கள் மூலம் குஜராத்துக்கு தான்: துணை முதல்வர் ஸ்டாலின் இம்முறை டில்லிக்கு வந்திருந்தபோது பிரதமர் மற்றும் சோனியாவை சந்தித்தார். டில்லியில் பல முறை நிருபர்களை சந்தித்தபோதெல்லாம் திரும்ப திரும்ப அவர் கூறிய விஷயம், "கிருஷ்ணா - கோதாவரி படுகை எரிவாயுவை தமிழத்துக்கு தர வேண்டுமென்று வலியுறுத்தினேன்' என்பது தான். ஏற்கனவே குழாய்கள் பதிக்கப்பட்டு, குஜராத், மகாராஷ்டிராவுக்கு எரிவாயு கொண்டு செல்லப்படுகிறது. தமிழகத்தின் பங்கை தருவது குறித்து, ஒழுங்குமுறை ஆணையம், சுப்ரீம் கோர்ட் சென்று திரும்பிய பிறகே தெரியும். இந்நிலையில், தமிழகத்திற்கு எரிவாயு என்பது எட்டாக்கனி தான்.

மாசில்லா நகரங்கள்: எரிவாயு மட்டும் தமிழகத்திற்கு கிடைத்துவிட்டால், ஏற்கனவே திட்டமிட்டிருக்கும் நகரங்களில் இயக்கப்படும் வாகனங்கள் அனைத்தும் சி.என்.ஜி.,க்கு மாறிவிடும். அனைத்து நகரங்களுமே மாசுகட்டுப்பாடு கொண்ட நகரங்களாக மாறிவிடும். காற்று மாசுபடாமல், கார்பன் புகை இல்லாமல் சுற்றுச்சூழல் மேம்படும். எரிவாயுவை பயன்படுத்தி தற்போதைக்கு இந்தியாவிலேயே சி.என்.ஜி.,யால் வாகனங்கள் இயக்கப்படுவது டில்லியில் மட்டும் தான். "சிட்டி காஸ் சப்ளை' திட்டம், டில்லி, மும்பை ஆகிய இரண்டு நகரங்களில் மட்டும் தான் செயல்படுகிறது

ஸ்டேட்போர்டா ? சி.பி.எஸ்.இ.,யா? பெற்றோர் குழப்பம்

ஸ்டேட்போர்டா ? சி.பி.எஸ்.இ.,யா? பெற்றோர் குழப்பம்

பிப்ரவரி 10,2010

உள்கட்டமைப்பு வசதிகள் அதிகம் உடைய மிகப் பெரிய மெட்ரிக் பள்ளிகள், சி.பி.எஸ்.இ., கல்வி முறைக்கு மாறுவது குறித்து தீவிரமாக ஆலோசித்து வருகின்றன. இது தொடர்பாக, பெற்றோரிடமும் பள்ளி நிர்வாகங்கள் ஆலோசனை கேட்டு வருகின்றன.

"ஸ்டேட் போர்டு வேண்டுமா; சி.பி.எஸ்.இ., வேண்டுமா' என பெற்றோரிடம் மெட்ரிக் பள்ளிகள் கேட்டு வருவதால், பெற்றோர் குழப்பம் அடைந்துள்ளனர்.தமிழகத்தில், வரும் ஜூன் மாதம் சமச்சீர் கல்வித் திட்டம் அமலுக்கு வருகிறது. முதல் மற்றும் ஆறாம் வகுப்பிற்கு வரும் கல்வி ஆண்டிலும், அதற்கு அடுத்த கல்வியாண்டில் மற்ற வகுப்புகளுக்கும் சமச்சீர் கல்வி திட்டம் அமலுக்கு வருகிறது."இத்திட்டத்தின் கீழ் உருவாக்கப்படும் பாடத் திட்டங்கள் தரமானதாக இருக்கும்' என்று, தமிழக அரசும், கல்வித்துறை உயர் அதிகாரிகளும் பலமுறை வாக்குறுதி அளித்தாலும், மெட்ரிக், ஆங்கிலோ இந்தியப் பள்ளிகளிடையே குறிப்பாக, நல்ல உள்கட்டமைப்பு வசதிகள் கொண்ட பெரிய பள்ளிகளிடையே ஒருவித தயக்கம் நிலவுகிறது. இந்த பள்ளிகளின் பெற்றோரிடமும் தயக்கம் இருக்கிறது.

அரசு பள்ளிகளில் நடத்தப்படும் அதே பாடத்திட்டத்தை மெட்ரிக் - ஆங்கிலோ இந்தியப் பள்ளிகளில் நடத்தினால், வித்தியாசம் இருக்காது என்றும், அப்படி நடத்தினால் மாணவர் சேர்க்கை வெகுவாக குறையும் என்றும், தனியார் பள்ளிகள் கருதுகின்றன. இதனால், சி.பி.எஸ்.இ., முறைக்கு மாறுவது குறித்து, பல பள்ளிகள் ஆலோசித்து வருகின்றன. சென்னை மற்றும் புறநகர்களில் உள்ள சில மெட்ரிக் பள்ளிகள், பள்ளி வளாகத்திற்குள் புதிதாக சி.பி.எஸ்.இ., பள்ளியை துவக்க நடவடிக்கை எடுத்துள்ளன.இதற்கிடையே, "ஸ்டேட் போர்டு வேண்டுமா; சி.பி.எஸ்.இ., வேண்டுமா' என, பெற்றோரிடம் கடிதம் கொடுத்து, பல பள்ளிகள் கருத்துக்களை கேட்டு வருகின்றன. சென்னை குரோம்பேட்டையில் உள்ள மெட்ரிக் பள்ளி, பெற்றோருக்கு நோட்டீஸ் வினியோகித்து, கருத்து கேட்டுள்ளது.

அப்பள்ளி விடுத்துள்ள கடிதத்தில் கூறப்பட்டுள்ளதாவது:சமச்சீர் கல்வித் திட்டம் அமலுக்கு வருவதையொட்டி, அனைத்து மெட்ரிக் பள்ளிகளும், "ஸ்டேட் போர்டின்' கீழ் கொண்டுவரப்பட உள்ளன. வரும் ஆண்டுகளில் சி.பி.எஸ்.இ., அங்கீகாரத்தை பெறுவது குறித்தும், பள்ளி நிர்வாகம் ஆலோசித்து வருகிறது.ஸ்டேட் போர்டிலேயே தொடர்ந்து இருக்கலாமா அல்லது சி.பி.எஸ்.இ., முறைக்கு மாறலாமா என்பது குறித்து, பெற்றோர் தங்களது கருத்துக்களை தெரிவிக்க வேண்டும். அதனடிப்படையில், உரிய முடிவு எடுக்கப்படும்.இவ்வாறு கடிதத்தில் தெரிவிக்கப்பட்டுள்ளது.திடீரென, "ஸ்டேட் போர்டு வேண்டுமா; சி.பி.எஸ்.இ., வேண்டுமா' என கேட்டுள்ளதால், பெற்றோர், குழப்பத்தில் தள்ளப்பட்டுள்ளனர்.

தனியார் பள்ளி தாளாளர் ஒருவர் கூறும்போது, "விசாலமான இடமும், உள் கட்டமைப்பு வசதிகளும் கொண்ட மெட்ரிக் பள்ளிகள், சி.பி.எஸ்.இ., முறைக்கு மாறுவதற்கு முடிவெடுத்துள்ளன. சி.பி.எஸ்.இ., அங்கீகாரம் பெற்றுவிடுவோம் என்று கூறி, சில பள்ளிகளில் மாணவர் சேர்க்கையும் நடந்து வருகிறது. எந்த முறையின் கீழ் பள்ளியை நடத்துவது என்பது குறித்து, பள்ளி நிர்வாகம் முடிவெடுக்க வேண்டும். இந்த விவகாரத்தில், பெற்றோரை குழப்பும் வகையில் பல பள்ளிகள் செயல்பட்டு வருகின்றன' என்றார்.

சி.பி.எஸ்.இ., பள்ளிகள் துவங்க வேண்டுமெனில், பள்ளிக் கல்வித்துறையிடம் இருந்து, தடையில்லா சான்றிதழ் (என்.ஓ.சி.,) பெற வேண்டும். சமச்சீர் கல்வி அமலாவதன் எதிரொலியாக, சி.பி.எஸ்.இ.,க்கு மாற விரும்பினால், அதை தமிழக அரசு ஏற்காது என்று தெரிகிறது.

இது குறித்து, கல்வித்துறை அதிகாரி ஒருவர் கூறும்போது, "இதுவரை என்.ஓ.சி., கேட்டு யாரும் விண்ணப்பிக்கவில்லை. அதிகமான தனியார் பள்ளிகள், வேறு கல்வி முறைக்கு மாற விரும்பி, என்.ஓ.சி., கேட்டு விண்ணப்பித்தால், அது குறித்து தமிழக அரசுடன் ஆலோசனை செய்தபிறகே மேற்கொண்டு நடவடிக்கை எடுக்கப்படும்' என்றார்.

பள்ளிக்கு மொபைல் எடுத்துப் போனால் சவுக்கடி

பள்ளிக்கு மொபைல் எடுத்துப் போனால் சவுக்கடி பிப்ரவரி 06,2010

தமிழ்நாட்டில் அண்ணாபல்கலைக் கழகத் துணைவேந்தர், அண்ணா பல்கலை வளாகத்தில் மொபைல் போன் பயன்படுத்தக்கூடாது என்று தடை கொண்டு வந்த போது, அது குறித்து மாணவர்கள் பலமான எதிர்ப்பு தெரிவித்தனர். இன்று அது கண்டும் காணாமல் விடப்படுகிறது. ஆனால் சுயநிதிக் கல்லூரிகள் பலவற்றில் இந்த தடை மிகவும் கவனமாகப் பின்பற்றப்படுகிறது. பறிமுதல் செய்யப்படும் மாணவர் களின் மொபைல் போன்கள், படிப்பு முடித்துவிட்டுச் செல்லும்போதுதான் திரும்பத் தரப்படுகிறது.
பள்ளி ஒன்றில் மொபைல் போன் கொண்டு சென்றதற்காக, 13 வயது மாணவி ஒருத்திக்கு 90 கசையடிகளும் இரண்டு மாதத் தண்டனையும் வழங்கப்பட்டுள்ளது. இது இந்தியாவில் அல்ல; சவுதி அரேபியாவில். பெண்கள் பயிலும் பள்ளிகளில் மொபைல் போன் பயன்படுத்தப்படுவது தடை செய்யப்பட்டுள்ளது.

இத்தாலியர்களும் ஜோதிடத்தில் அதிக மோகம்

இத்தாலியர்களும் ஜோதிடத்தில் அதிக மோகம்

பிப்ரவரி 09,2010

லண்டன்: தங்களது எதிர்கால வாழ்க்கையை பற்றி தெரிந்து கொள்வதற்காக இத்தாலியர்கள் ஜோதிடத்துக்காக அதிகம் செலவழிப்பதாக ஆய்வுகள் தெரிவிக்கின்றன. ஐரோப்பிய நுகர்வோர் கூட்டமைப்பு சார்பில் ஒரு ஆய்வு சமீபத்தில் மேற்கொள்ளப்பட்டது. கடந்த இரண்டு ஆண்டுகளாக ஏற்பட்ட பொருளாதார மந்த நிலையால் பல ஆயிரம் பேர் வேலை வாய்ப்பை இழந்துள்ளனர். இவர்கள் எல்லாம் மீண்டும் தங்கள் பிரச்னைக்கு எப்போது விடிவுகாலம் பிறக்கும் என்பதை தெரிந்து கொள்ள ஜோதிடர்களை நாடுகின்றனர். சீட்டு போட்டு பார்ப்பது, சோழியை உருட்டி எதிர்காலத்தை கணிப்பது என்பது போன்ற பல்வேறு முறைகளில் இவர்கள் தங்களின் எதிர்காலத்தை தெரிந்து கொள்ள விரும்புகின்றனர்.

கிட்டதட்ட 30 ஆயிரம் பேரிடம் இந்த ஆய்வு மேற்கொள்ளப்பட்டது. ஒவ்வொருவரும் ஆயிரம் முதல் 40 ஆயிரம் ரூபாய் வரை ஜோதிட பலனுக்காக செலவிட்டுள்ளனர். குறிப்பாக மிலன் மற்றும் லேசியோ பகுதியில் உள்ளவர்கள் அதிக அளவில் ஜோதிடம் பார்த்துள்ளனர். இதன் மூலம் இப்பகுதி ஜோதிடர்களுக்கு ஓராண்டில் 600 கோடி ரூபாய் அளவுக்கு வருவாய் கிடைத்துள்ளது.இதில், 40 வயதுகளில் உள்ள நபர்கள் தான் ஜோதிடம் அதிகம் பார்த்துள்ளதாகவும் இந்த ஆய்வு தெரிவிக்கிறது.

சிந்து எழுத்து முறையில் இருந்து வந்ததே தமிழி முறை : ஆய்வாளர்

சிந்து எழுத்து முறையில் இருந்து வந்ததே தமிழி முறை : ஆய்வாளர்

பிப்ரவரி 09,2010

சென்னை : ""தென்னிந்திய மக்களுக்கு சிந்து எழுத்து முறை தெரிந்திருந்தது என்பது உறுதி. ஆகவே தமிழி எழுத்துமுறை சிந்து எழுத்து முறையிலிருந்து வந்து தான் உருவாகி இருக்கும்,'' என்று சிந்து எழுத்து ஆய்வாளர் பூரணசந்திரஜீவா கூறினார்.சென்னையில் தமிழ் வளர்ச்சி வளாகத்தில் தொல்லியல் துறை கருத்தரங்கு நேற்று நடந்தது. இதைத் தொல்லியல்துறை முதன்மை செயலர் ஸ்ரீதர் துவக்கி வைத்து பேசியதாவது: நமது எழுத்து வளர்ச்சி எங்கு துவங்கியது என்ற கேள்வி உள்ளது. சிந்து எழுத்திலிருந்து வந்ததா அல்லது இந்த சிந்து எழுத்து இடையில் வந்ததா என்ற கேள்வியும் உள்ளது. மயிலாடுதுறைக்கு அருகில் செம்பியன் கண்டியூரில்கிடைத்த கல்வெட்டில் நான்கு குறியீடுகள் கிடைத்தன. சிந்து எழுத்து குறியீடுகள் தான் என்று ஆராய்ச்சியாளர்கள் கூறியுள்ளனர். குறியீடுகளை வைத்து காலத்தை தெரிந்து கொள்ள முயற்சிக்கலாம் என்றாலும், எதை உணர்த்துகிறது என்று தெளிவாக தெரியவில்லை. சிந்து எழுத்து ஆய்வுகள் தொடர்ந்து கொண்டிருக்கின்றன.இவ்வாறு ஸ்ரீதர் பேசினார்.

நிகழ்ச்சியில், "சிந்து எழுத்தும் தமிழியும்- ஓர் ஒப்பாய்வு' என்ற தலைப்பில், சிந்து எழுத்து ஆய்வாளர் பூரணசந்திர ஜீவா பேசியதாவது: சிந்து எழுத்து முறை, படங்களை அடிப்படையாக கொண்டது என்கின்றனர். இது முழுவதும் படங்களால் ஆன எழுத்துக்கள் அல்ல. முழுமையாக எல்லா எழுத்தும் செயற்கை வடிவங்களால் ஆனது. செயற்கை வடிவம் மட்டுமல்லாமல், வடிவியல் கணித அடிப்படையில் வடிவங்களாக சிந்து எழுத்துக்கள் உள்ளன. இதற்கு காரணம் சிந்துவெளி மக்கள், நகர அமைப்புகளை வடிவமைக்கும் கட்டடக் கலையில் மிகச் சிறந்த அறிவு பெற்றிருந்தனர். இந்த அறிவை பயன்படுத்தி எழுத்துகளுக்கு செயற்கையான வடிவங்களை அமைத்தனர். எனவே, இந்த வடிவங்களுக்கு கொடுத்த பொருள் பொருந்தாமல் போய்விட்டது.

இந்த சிந்து எழுத்து வடிவங்கள் தமிழி என்ற எழுத்து வடிவங்களுடன் பொருந்துகின்றன. இரண்டையும் ஒப்பிட்டு சிந்து எழுத்தை படிக்க முயற்சிக்கலாம் என்பது உறுதி. தமிழகத்தில் சிந்து எழுத்து வடிவங்கள் பெருமுக்கல், கீழ்வாலை, பொதிகைமலை குகை, இலங்கையில் யாழ்பாணத்தில் ஆணைக்கொட்டடி ஆகிய இடங்களில் கிடைத்துள்ளன. தென்னிந்திய மக்களுக்கு சிந்து எழுத்து முறை தெரிந்திருந்தது என்பது உறுதி. ஆகவே தமிழி எழுத்துமுறை சிந்து எழுத்து முறையிலிருந்து வந்து தான் உருவாகி இருக்கும் என்பது உறுதி. இவ்வாறு பூரணசந்திர ஜீவா பேசினார்.

நோயாளிக்கு ஆயுள் அதிகமாம்: டாக்டருக்கு தான் குறைவாம்

நோயாளிக்கு ஆயுள் அதிகமாம்: டாக்டருக்கு தான் குறைவாம்

பிப்ரவரி 08,2010

மும்பை:எல்லோரது நோய்களையும் நீக்கி வாழ்வு தரும் டாக்டர்களின் ஆயுசு,சராசரி மக்களை விட கம்மிதான் என்றால் நம்ப முடிகிறதா...? சமீபத்தில் நடத்தப்பட்ட ஆய்வு இத்தகவலை தெரிவித் துள்ளது.இந்திய மருத்துவக் கழக (ஐ.எம்.ஏ.,)த்தின் புனே பிரிவு, "சமூகப் பாதுகாப்புத் திட்டம்' என்ற நிகழ்ச்சியின் கீழ் சமீபத்தில் ஓர் ஆய்வு நடத்தியது. இதில் மகாராஷ்டிராவில் மட்டும் 5,500 டாக்டர்களும், இந்தியா முழுவதும் 11 ஆயிரம் டாக்டர்களும் ஆய்வுக்கு எடுத்துக் கொள்ளப்பட்டனர்.ஐ.எம்.ஏ.,யின் புனே பிரிவுத் தலைவர் டாக்டர். சாரதா இந்த ஆய்வு பற்றிக் கூறியதாவது:கடந்த ஐந்து ஆண்டுகளாக இந்த ஆய்வு நடத்தப்பட்டது. இதில் சராசரி இந்தியனை விட ஒரு டாக்டரின் ஆயுள் குறைவாகவே இருப்பது தெரியவந்துள்ளது.சராசரி இந்தியர் 69 லிருந்து 72 வயது வரை வாழ்கிறார். ஆனால் டாக்டர் 55 லிருந்து 59 வயது வரைதான் வாழ்கிறார்.டாக்டர்களில் பெரும்பாலோர் மாரடைப்பால் தான் மரணம் அடைகின்றனர். ஒவ்வொரு ஆண்டும் மகாராஷ்டிராவில் 12 லிருந்து 15 டாக்டர்களும், இந்தியாவில் 30 டாக்டர்களும் 59 வயது வரைதான் வாழ்கின்றனர்.இதற்கு, மனஅழுத்தம், ஒரு நாளில் பெரும் பான்மையான நேரங்களில் உட்கார்ந்தே வேலை பார்ப்பது, உடற்பயிற்சி செய்யாதது ஆகியவைதான் காரணம்.இதன் விளைவாக, உடல் பருமன், அதிக ரத்த அழுத்தம், நீரிழிவு போன்றவை ஏற்படுகின்றன. இதனால் ஆயுள் குறைந்து விடுகிறது.இவ்வாறு டாக்டர். சாரதா தெரிவித்தார்.இந்தப் பிரச்னைகளைத் தீர்க்க, ஐ.எம்.ஏ., சில திட்டங்களை செயல்படுத்தி வருகிறது. மும்பையிலுள்ள கைவல்ய யோகா இன்ஸ்டிடியூட், கிருத பாரதி, தேசிய ஒருங்கிணைந்த மருத்துவக் கழகம், ஆயுர்வேத வியாசபீடம் இவற்றோடு இணைந்து, புனேயிலுள்ள ராமன் பாக்., மைதானத்தில், கடந்த ஓர் ஆண்டுக் காலமாக சூரிய நமஸ்கார் பயிற்சியை டாக்டர்களுக்காக ஐ.எம்.ஏ., நடத்தி வருகிறது.இதுபோக, வழக்கமான மருத்துவப் பரிசோதனைகள், மனஅழுத்த மேலாண்மை மற்றும் நேர நிர்வாகம் குறித்த செமினார் ஆகியவற்றையும் ஐ.எம்.ஏ.,நடத்த உள்ளது.

வேலை, பணம் தான் முக்கியம்:

வேலை, பணம் தான் முக்கியம்: குழந்தை பிறப்பை தள்ளிப்போடும் தம்பதியர் அதிகரிப்பு

பிப்ரவரி 08,2010,00:00 IST

புதுடில்லி:"எங்களுக்கு வேலை தான் முக்கியம்; கைநிறைய சம்பாதித்து விட வேண்டும்; அப்புறம் தான் குழந்தை பற்றிய நினைப்பு வரும்' என்று நினைக்கும் இளம் தம்பதியர் எண்ணிக்கை அதிகரித்து வருகிறது.மனித வாழ்வில், திருமணம் மற்றும் , அதன் பின் குழந்தைப் பேறு என்பது மகிழ்ச்சியின் உச்சகட்டம் எனலாம்.ஆனால் தற்காலப் பொருளாதாரப் போட்டி உலகம், கண்ணிழந்தவன் பெற்ற செல்வம் போல, எல்லாம் இழந்த பின் தான் மனிதனை வாழ்க்கையைப் பற்றி நினைக்கத் தூண்டுகிறது. அந்த அளவுக்கு பணத்துக்கும் , வேலைக்கும் தான் முக்கியத்துவம் தரும் போக்கு அதிகரித்து விட்டது.வேலைக்குச் செல்லும் தம்பதிகளின் எண்ணிக்கை அதிகரித்ததனால் நாட்டின் பொருளாதாரம் உயர்ந்தாலும் குடும்பக் கட்டுக் கோப்பு குலைந்தது என்னவோ உண்மை. அதன் அடுத்த விளைவாக வேலைக்குச் செல்லும் தம்பதிகள், வேலையில் நல்ல நிலைமை அடைந்த பின்தான் குழந்தைப் பேறு பற்றியே சிந்திக் கின்றனர்.பொருளாதாரச் சுதந்திரம், தனிநபர் சுதந்திரம் இவற்றையடுத்து வேலைவாய்ப்பு பற்றிய கவலை இவை மூன்றும்தான் இன்று குழந்தைப் பேறு வேண்டுமா வேண்டாமா என்பது பற்றி தம்பதிகளை சிந்திக்க வைக்கும் முக்கிய காரணிகளாகியிருக்கின்றன.

இதுகுறித்து, இந்திய ஆலோசனைக் கழகத்தின் தலைவர் வசந்தா பத்ரி கூறுகையில்,"இந்தத் தம்பதிகள் தங்கள் மணவாழ்வின் ஆரம்பக்கட்டத்தில் குழந்தைப் பேற்றின் அருமை பற்றி உணர்வதில்லை.காலம் கடந்த பின், வாழ்வில் தனிமையை உணரும்போது குழந்தை பெற்றுக் கொள்ளலாம் என்ற முடிவுக்கு வருகின்றனர்' என்கிறார்.அப்பல்லோ மருத்துவமனையின் குழந்தை நல மருத்துவ தலைமை டாக்டர் அனிதா கவுல் கூறுகையில்,"கடந்த 35 ஆண்டுகளாக என்னிடம் வரும் நோயாளிகளில் 50 சதவீதத்துக்கு மேல் 35 வயதைக் கடந்தவர்கள். தங்கள் 40 வயதில்தான் பெண்கள் குழந் தைப் பேறு பற்றி நினைத்து என்னிடம் வருகின்றனர்.

இவர்களில் பெரும்பாலானோர் வேலைக்குச் செல்பவர் கள்தான். தங்கள் வேலையில் வெற்றி ஈட்டிய பின் தான் இவர் கள் குழந்தைப் பெற்றுக் கொள்ள முடிவு செய்கின்றனர்' என்கிறார்.மற்றொரு டாக்டர் பிதிகா பட்டாச்சார்யா கூறுகையில்,"தாமதமாகக் கருவுற்றவர்களாக என் னிடம் வருபவர்களில் அநேகர் தங்கள் வேலைக்காகக் குழந் தைப் பேற்றைத் தள்ளிப் போட்டவர்கள்தான்.பெண்களுக்கு 30 அல்லது அதற்கு மேற்பட்ட வயதுகளில் பல்வேறு மன,உடல் பிரச்னைகள் வருகின்றன. இவை பிறக்கப் போகும் குழந்தைகளையும் பாதிக்கும். குழந்தை "தாமதச் செயல்பாடு'(டவுன் சிண்ட் ரோம்), குரோமோசோம்களில் பிரச்னை என்பவற்றால் கடுமையாகப் பாதிக்கப்படலாம்' என் கிறார்.

கண்ணை கவர்ந்த பீஷ்மா

கடந்த சில குடியரசுத் தினங்களில் தொலைக்காட்சிகளில் நீங்கள் கண்டிருக்கலாம். டெல்லியில் வழக்கமாக நடக்கும் ராணுவ அணிவகுப்பில் ஒய்யாரமாக வீறுநடை போடும் பீஷ்மா பலரின் கண்ணையும், கவர்த்தையும் கவர்ந்துவருகிறார். மகாபாரத பீஷ்மரைப் போலவே கம்பீரமும், ஆளுமையும் கொண்டவர் இந்த பீஷ்மரும். போர்முனையில் இவர் ஒரு வெல்லமுடியாத சிங்கம். வேதியியல், உயிரியல், அணு ஆயுதங்கள் இவரின் சுண்டுவிரலைக்கூட அசைக்க முடியாது. அடுத்த முப்பதாண்டுகளுக்கு எதிரிகளை களத்தில் ஓட ஓட விரட்டி, புறமுதுகிட்டு சிதறி ஓடச்செய்யப்போகும் இவர்தான் இந்திய ராணுவத்தின் இன்றைய ஹீரோ.யார் இந்த பீஷ்மா?இதுவரை இந்திய ராணுவத்துக்கு டாங்கிகள் ரஷ்யாவில் இருந்து இறக்குமதி செய்யப்பட்டிருக்கின்றன. அல்லது உதிரிபாகங்கள் அங்கிருந்து இறக்குமதி செய்யப்பட்டு, இந்திய தொழிற்சாலைகளில் பொருத்தப்பட்டிருக்கின்றன. இந்தியாவிலேயே முழுக்க முழுக்க உருவாக்கப்பட்டிருக்கும் முதல் பீரங்கி இந்த பீஷ்மா. ரஷ்யாவிலிருந்து தொழில்நுட்ப ஆலோசனைகள் மட்டும் பெறப்பட்டிருக்கிறது. உலகளவில் போர்முனைகளில் பயன்படுத்தப்படும் டாங்கிகளில் இதுதான் லேட்டஸ்ட்.இரவுகளிலும் துல்லியமாக போரிடவும், குண்டுகளை சுடும் அதே குழாயிலேயே குறிபார்த்து ஏவுகணைகளை ஏவவும் பீஷ்மாவில் வசதிகள் உண்டு. அணு ஆயுதங்களில் வெளிப்படும் ரேடியோ கதிர்வீச்சினை தாங்கும் சக்தி பீஷ்மாவிடம் இருப்பதால், இந்த டாங்கியை இயக்கும் குழுவுக்கு உயிர்ச்சேதம் ஏற்படும் வாய்ப்பு மிக மிகக்குறைவு என்பது தனிச்சிறப்பு. அவசியம் தேவைப்படும் காலங்களில் போர்முனைகளுக்கு மின்னல்வேகத்தில் பயணிக்கும் ஆற்றல் கொண்டது இந்த பீஷ்மா.கடந்த ஆண்டு ஆகஸ்ட் 24-ஆம் தேதி நாட்டுக்கு அர்ப்பணிக்கப்பட்டிருக்கும் இந்த டாங்கி, இந்திய ராணுவ வரலாற்றில் தனியிடத்தைப் பிடிக்கிறது. ஒரு பீஷ்மாவை உருவாக்க இந்தியாவுக்கு ஆகப்போகும் செலவு ரூபாய் பதினான்கு கோடி என்றால் இதன் முக்கியத்துவத்தை நீங்கள் உணரலாம். அடுத்த பத்தாண்டுகளில் ஆண்டுக்கு தலா 100 பீரங்கிகளை உருவாக்க சென்னை ஆவடி டாங்க் தொழிற்சாலை தயார்நிலையில் இருக்கிறது. 2020ஆம் ஆண்டு வாக்கில் 1,600 பீரங்கிகளோடு தனது தரைப்படையை உலகின் தன்னிகரற்ற, யாராலும் வெல்லமுடியாத படையாக உருவாக்க இந்தியா பெரும் முனைப்பு காட்டி வருகிறது.ரஷ்யாவின் டி-90 டாங்கிகளின் தொழில்நுட்ப அடிப்படையில் பீஷ்மா டாங்குகள் உருவாக்கப்படுகின்றன. இந்திய ராணுவம் இதுவரை பயன்படுத்தி வந்த அர்ஜூன்ரக டாங்குகளை தயாரிக்க அதிக கால அவகாசம் தேவைப்படுகிறது. எனவே குறைந்தகால அவகாசத்தில் அதிக டாங்குகளை தயாரிக்கும் சுலபமான – அதே நேரம் சக்திவாய்ந்த தொழில்நுட்பத்தை இந்திய ராணுவம் தேடிவந்தது. இடையில் உக்ரைன் நாட்டிலிருந்து 320 டி-80 யூடி ரக டாங்குகளை வாங்க பாகிஸ்தான் முடிவெடுத்ததால் இந்திய ராணுவத்துக்கு சக்திவாய்ந்த டாங்குகளை உடனடியாக உருவாக்க வேண்டிய நெருக்கடியும் ஏற்பட்டது.எனவே கடந்த 1998ஆம் ஆண்டு ரஷ்யாவின் இரண்டு டாங்கி மாடல்களை (டி72 மற்றும் 90) வாங்கி பாலைவனப் பகுதிகளில் பரிசோதனை நடத்தியது. இதில் டி72 குறித்த திருப்தி இந்திய ராணுவ அதிகாரிகளுக்கு சுத்தமாக இல்லை. வெப்பத்தை தாங்கக் கூடிய பலம் அந்த டாங்கிக்கு இல்லை. டி90 டாங்குகளிலும் சில அதிருப்திகள் இருந்தது. தேவையான மாற்றங்களுக்கான தொழில்நுட்ப யுக்திகளை ரஷ்யாவிடம் இருந்து பெற்று முழுக்க முழுக்க இந்தியாவிலேயே டி90 ரக பீரங்கிகளை உருவாக்க முடிவெடுக்கப்பட்டது. பீஷ்மா என்று பெயரிடப்பட்டு நாட்டுக்கு அர்ப்பணிக்கப்பட்டிருக்கும் அதிநவீன டாங்கியின் கதை இதுதான்.பாகிஸ்தான் தற்போது உபயோகிக்கும் டி80 யூடி ரக டாங்குகளை விட பீஷ்மாவில் அதிகவசதிகள் உண்டு. ஏவுகணைகளில் இருவகை உண்டு. இந்த இருவகை ஏவுகணைகளையும் பீஷ்மாவில் ஏவமுடியும். மாறாக டி80 யூடியில் ஒருவகை ஏவுகணையை மட்டுமே பயன்படுத்தலாம். பாதுகாப்பு அடிப்படையில் நம் பீஷ்மா தலைசிறந்தது. எதிரிகளால் சுலபமாக வீழ்த்திவிட முடியாத அளவுக்கு பாதுகாப்பு ஏற்பாடுகள் கனகச்சிதம். திட்டமிட்டபடி பீஷ்மா டாங்குகள் சரியான நேரத்தில் தயாரிக்கப்படுமானால் அடுத்த பத்தாண்டுகளில் இந்தியாவின் தரைப்படையை வெல்வது என்பது வல்லரசுகளுக்கே சாத்தியமில்லாததாக ஆகிவிடும்.